ABERTO DE TENIS EYPAR MELIDE

Os días 23 e 24 de Abril tera lugar no Pavillón o campionato e tenis melidense. Contarase coa presenza de Miguel Casal actual número 1 de Galicia e 32 de España, Roberto Rodríguez, tres veces subcampión galego e Natalia Galán, actual número un de Galicia e 53 de España, entre outros.

A inscripción poderase efectuar de luns a venres de 13,30 a 16,30 con data límite do 15 de Abril cun custe de 3 €.

Os partidos celebraranse o Xoves e o Venres Santo, e as finais celebraránse o domingo desa mesma semana co seguinte horario:

16:45 Final Feminina.

17:45 Clinic para os máis pequenos.

18:45 Final Masculina.

O apoio ao deporte melidense, a xuventude e a vida saudable faise patente no patrocinio de moitas das empresas melidenses así como o apoio incondicional da Xunta de Galicia na organización deste tipo de eventos.

O CENTRO MULTIMEDIA DE GALICIA PROMOCIONA UN CURSO DE MARKETING NA INTERNET

O CMG oferta 1000 cursos dende a plataforma tecnolóxica sobre temas de diversa índole con diploma de asistencia totalmente homologado co fin de ofertar modalidades formativas na rede e a inmersión en novas tecnoloxías.

En concreto maña dia 11 de Marzo remata o prazo para o curso MARKETING EN INTERNET. Os interesad@s poderán facer efectiva a súa solicitude recheando un formulario na seguinte dirección web: www.cmg.xunta.es

Vázquez úrxelle a Cea que responda ás preguntas escritas do pleno de novembro

Melide, 4 de febreiro de 2011. A voceira do Partido Popular de Melide, Ánxeles Vázquez, insta a Cea a que cumpra coas súas obrigas e non demore máis a contestación das preguntas escritas formuladas no pleno do pasado mes de novembro de 2010. Naquel momento, tal e como denuncia a representante popular, “a actual rexedora escudárase no Artigo 97 da ROF para non contestar, argumentando que o Partido Popular non presentara as preguntas con 24 horas de antelación. Pero agora, transcorridos máis de dous meses e más de 1.500 horas, a culpa é do Interventor que non llas facilitou”.

Neste senso, Vázquez pídelle a Cea que deixe de mentir e de utilizar ós funcionarios e recordoulle que son estes os que obedecen ordes da alcaldía e que cada día pon a súa profesionalidade en entredito intentando ocultar a súa política opaca e sen rigor. Para Vázquez, os argumentos de Cea non son máis que desculpas que pon co fin de tapa-la súa incompetencia e desidia por desempeña-lo seu traballo.

A representante popular recorda que algunha das preguntas presentadas versaban sobre os descontos feitos ós concelleiros do BNG os días que fixeron folga ou a cantidade destinada polo Concello a publicidade e relacións públicas. “Un total de 14 preguntas que a Cea parece que non lle interesa responder por escrito”, destaca. Vázquez asegura que esto non é a primeira vez que ocorre e agarda que Cea nun exercicio de responsabilidade e de ética política responda de xeito inmediato estas preguntas.

O PP denuncia que o goberno local incumpre a Lei de Morosidade e o Decreto 5/2009 de medidas extraordinarias e urxentes

• A voceira popular asegurou en pleno que o debate económico coa alcaldesa é tempo perdido e o único válido son os informes dos técnicos, tanto da intervención municipal como dos da Deputación Provincial

Melide, 2 de febreiro de 2011. A voceira do Partido Popular de Melide, Ánxeles Vázquez, no Pleno celebrado no día de hoxe, instou a Cea a que deixe maquilla-la súa nefasta xestión económica á fronte de concello e de botarlle a culpa ó PP en lugar de xestionar correctamente no ámbito en que informan os técnicos. Vázquez considera inadmisible a actitude da actual rexedora ó non acatar o que din os informes e intentar, ademais, desvirtualos en todo momento. A voceira popular denuncia que o goberno local incumpre a Lei de Morosidade e o Decreto 5/2009 de medidas extraordinarias e urxentes.

Neste senso, a representante popular pon como exemplo o informe que trasladou, fai hai 3 meses, Intervención e sobre o que Cea asegurou que era obsoleto e non obedecía á realidade. “Transcorridos estes tres meses, a situación é a seguinte: contabilízanse preto de 1.000 facturas sen recoñecer por un montante de 937.690,04 euros, ás que hai que engadirlle 202 facturas máis, recoñecidas pero pendentes de pago, por un importe de 47.909,48 euros”, informa Vázquez. Dende o PP lembran que as facturas dadas a coñecer por Intervención son aquelas que levan máis de tres meses anotadas no rexistro de facturas e que, con data 14 de xaneiro, non se tramitaron, polo que a débeda en facturas pendentes de pago é moito maior ó non estar incluídas as de outubro, novembro e decembro de 2010.

Nesta mesma liña, Ánxeles Vázquez recordoulle a Cea o informe dos servicios económicos da Deputación Provincial, feito público hai escasos días, no que se pode comprobar que “o Bipartito Local multiplicou por catro as facturas sen recoñecer pasando dos 489.708 euros no 2006 a 1,6 millóns de euros no 2009”. Do mesmo xeito e tal e como pon de manifesto a voceira popular a débeda bancaria duplicouse, pasando de 1,2 millóns de euros no ano 2006 ós 2,4 millóns, no 2009. Para os populares, Cea debería tomar medidas de inmediato e afronta-la situación actual con fin de remonta-la difícil conxuntura de endebedamento.

Os populares lamentan a falta de transparencia e o obstruccionismo da actual rexedora que, unha vez máis, non quixo debater o informe remitido polo ente provincial que pon de manifesto “a verdadeira realidade económica do concello e que tira pola bordas as continuas farsas e mentiras de Cea”.

LAVADO DE CARA A LOS VESTUARIOS DEL CAMPO DE FÚTBOL MUNICIPAL

Meses después de la “super reforma” de los vestuarios del campo de fútbol de Melide éstos presentan el aspecto previsto antes del inicio de las obras. Dado el comienzo de las mismas, el final no podía ser otro: alicatados levantados, humedades descomunales, que son fruto de un intento de maquillar las deficiencias de partida de las estancias deportivas. El gobierno municipal en un intento de exculparse de sus responsabilidades pasa la pelota a los deportistas que utilizan las instalaciones culpando a éstos de todos los desperfectos de los vestuarios.
Los técnicos municipales, en su amplia sabiduría, no han sabido subsanar o no han querido llevar a cabo una obra en condiciones para solucionar el problema de manera definitiva, ya que la reforma de las instalaciones no ha sido ni de lejos la acertada.
La conclusión que podemos sacar después de ver los resultados de la reforma es que lo que se pretende desde el consistorio municipal es camuflar el problema de base y no cortarlo de raíz. En vez de enterrar dinero de los melidenses en reformas de instalaciones viejas y desfasadas, lo que deberían hacer es invertirlo en la construcción de unos vestuarios a la altura del deporte melidense dónde el musgo no sea el principal usuario.
Con estos antecedentes, ¿Qué imagen se van a llevar los equipos visitantes del municipio de Melide?

Que lles interesa realmente, a xuventude ou o seu voto?

Novas Xeracións de Melide pregúntase cal é a principal preocupación dos gobernantes do noso pobo respecto a este tema. Non podemos entender as feroces críticas á despreocupación pola xuventude e a eliminación das partidas presupuestarias adicadas pola Xunta ao Noitebús cando a alcaldesa de Melide, Socorro Cea, tivo na súa man a posibilidade de xerar trinta postos de traballo para xovenes melidenses e desaproveitouna por incompetencia súa e do seu equipo de goberno, ou eso queremos pensar, porque sería aínda mais grave que fose por simple desinterese pola xuventude do pobo.
Estes postos de traballo viñan a Melide a través dun obradoiro de emprego que para obtelo simplemente tiñan que enviar dende o concello una sinxela documentación, que os nosos gobernantes non fixeron chegar a tempo o seu destino. E poderedes pensar que non, que era difícil traer ese obradoiro a Melide, pero dende o noso grupo damosvos un dato, todos os pobos do noso arredor (Santiso, Toques, Curtis, Boimorto…)agora están a disfrutar del, e Melide sendo cabeceira de comarca non o ten..., pensamos que con iso se di todo.
Se xa esto de por si e moi grave, aínda e peor se nos situamos no momento que estamos a atravesar en relación o tema do emprego e pensamos que durante os tres anos de mandato do bipartito o paro en Melide aumentou nun 40%. Era o momento de desaproveitar trinta postos de traballo durante doce meses, para uns xóvenes que cobrarían 1.000 € mensuais?
E si, agora Socorro Cea diranos que ela se preocupa pola xuventude, que se o noitebús, que si a festa, que si patatín, que si patatán. Pois ben, nos pensamos que o noitebús é algo bo e necesario, pero dende o goberno da Xunta era insostible, e optouse por desviar esas partidas cara cousas mais básicas. Porque si, como decimos o Noitebús era un gran servizo, pero non suvbencionado a través de presupostos públicos, senón que como se fai noutras comunidades Autónomas de España ten que ser financiado mediante outras formulas, ou incluso de ter suficientes usuarios, ser autofianciable, que sería o desexable para todos. Dende o goberno autonómico tentouse dar o primeiro e mais forte impulso a este proxecto e para corroborarvos isto damosvos un dato. En Melide o concello fixo una aportación de 1.000 € e a Xunta de Galicia de 140.000 €.
Hai algunhas liñas nas que os usuarios eran mínimos e que o autobús había que págalo igual, e según datos reais o custo de traer alguna persoa de festa a Melide era de case 18€, e por encima moitos deles viñan cóa súa bebida para facer botellón aquí e logo irse de festa, o cal non supón beneficio ningún para a hostalaría Melidense.
E dito isto, e pensando un pouco en que datas estamos, a apenas uns meses das elección municipais, volvemos a pregunta coa que abríamos este artigo. Interesalles realmente a situación da xuventude de Melide, as súas condicións laboráis, o seu benestar, en definitiva, o seu presente e futuro, ou que lles preocupa e gañar o seú voto pola vía facíl? Nos persoalmente pensamos que a segunda opción, pero sentimolo moito Sra Socorro, a xuventude de Melide, non se deixa enganar con catro criticas, e se vostede pensa o contrario, simplemente ten que agardar para comprobar a resposta……., si, e non terá que agardar moito, soamente ata o 22 de Maio.

Noticias sobre a depuradora

O PP informa de que a policía xudicial fixo en Melide as investigacións derivadas da denuncia interposta sobre a depuradora do polígono industrial

A Policía Xudicial remitiu un informe ó xulgado no que se especifica que “non se observa ningún tipo de obras nin de movementos de terras”
• Vázquez dá a coñecer que os membros da Xunta de Goberno Local deberán declarar como imputados por certificar unha depuradora que nunca se chegou a comezar
• A representante popular insta á actual alcaldesa a que dea a cara e asuma tódalas irregularidades cometidas na EDAR

Melide, 20 de xaneiro de 2011. A voceira do Partido Popular de Melide, Ánxeles Vázquez, acompañada polo letrado Esteban Rico, que se ocupa do caso da depuradora do polígono industrial de A Madanela, informou dos pasos que por parte da xustiza se están levando a cabo despois da querela interposta en maio de 2010, tras coñecerse que Socorro Cea, por decreto e posteriormente na xunta de Goberno Local, certificara a finalización da depuradora por un de 437.000 euros sen que as obras se comezaran.

A representante popular informou de que a Policía Xudicial xa fixo as súas investigacións mediante reportaxe fotográfica e comprobación sobre o terreo, incluíndo nun informe remitido ó xulgado que “non se observa ningún tipo de obras nin de movementos de terras, así coma tampouco a existencia de ningún cartel”. Vázquez informa ademais de que os membros da xunta de Goberno Local deberán declarar en calidade de imputados, á vista de todo o actuado no procedemento. Os populares lamentan que, a pesares de ter interposta a denuncia, no informe de intervención, dado a coñecer no mes de decembro de 2010, é dicir, oito meses despois de ter interposta a querela; constaban 1.154 facturas sen recoñecer figuraban unha serie de facturas aprobadas e con orde de pago das obras da depuradora, que a día de hoxe nin sequera está comezada.

Por todo iso e tal e como subliñou Vázquez, o equipo de goberno e en concreto a actual rexedora, Socorro Cea, terá que dar explicacións de inmediato de todo o acontecido. “Xa non queda dúbida de que Cea é a actriz protagonista das irregularidades cometidas na EDAR de Madanela”, insistiu. Por iso, ínstaa a que dea a cara dunha vez por todas, deixe de mentir ós melidenses e “asuma a culpa e a responsabilidade de tódalas chapuzas que se cometeron coa depuradora”.


CRONOLOXÍA DOS FEITOS
Tal e como recordaron, o 27 de maio do ano pasado (2010) tivo entrada no rexistro do Xulgado de Arzúa unha querela contra cinco integrantes da Xunta de Goberno Local de Melide coa alcaldesa á cabeza, que posteriormente foi admitida a trámite. “Os presuntos delictos que foron postos en coñecemento da Xustiza son un delicto de prevaricación, un delicto de fraude á administración autonómica, e un delicto de falsificación de certificado”, explicou o letrado.

Na propia querela solicitábanse unha serie de dilixencias de investigación que foron levadas a cabo polo Xulgado de Instrucción. “Creemos no principio constitucional de presunción de inocencia, así coma nas garantías procesuais, por iso sempre falaremos en termos de presunción e indicios de delicto, porque, como é evidente, non hai delicto sen condena por sentencia firme”, engadiu.

A voceira popular aproveitou para facer unha cronoloxía dos feitos acontecidos ata o momento, co fin de por en evidencia a absoluta responsabilidade de Cea en todo o sucedido:

• No ano 2007, o Concello de Melide asina un Convenio de colaboración co IGVS (Instituto Galego de Vivenda e Solo) e a Consellería de Innovación e Industria para a “Mellora do subministro eléctrico e instalación dunha depuradora modular no parque empresarial de Melide”.
• Ó aveiro do devandito convenio, o Concello recibe unha subvención pública para a citada obra, que finalmente ten que reintegrar no ano 2009 ante a imposibilidade da execución das obras.
• No ano 2008, o Concello asina outro Convenio coa Consellería de Innovación e Industria para o “Proxecto de Instalación dunha Estación Depuradora compacta no parque industrial da Madanela”
• Procédese a dar cumprimento á tramitación administrativa correspondente para a adxudicación da obra, sendo finalmente concedida á UTE MACRAUT-ALDASA.
• A fin de cumprir cos termos asinados no convenio, o Concello, a través da actual alcaldesa, certifica a obra relativa á depuradora, figurando como colocados, instalados ou mesmo funcionando, a práctica totalidade dos elementos descritos.
• A UTE MACRAUT-ALDASA emite unha factura en decembro de 2009 na que se describe como “Obras realizadas por UTE EDAR Melide. Certificación Nº1 obra depuradora ampliación Polígono Melide” por importe de 437.354,41 euros.
• Intervención Municipal emite informe de reparo con efectos suspensivos para a aprobación da certificación do EDAR e a Factura “debido a que se omiten requisitos e trámites esenciais”.
• Decreto da Alcaldía. Levantamento do reparo e aprobación da certificación e a factura.
• Certificación por Secretaría do Concello da sesión celebrada a 30 decembro de 2009 pola Xunta de Goberno Local, na que se ratifica o Decreto de levantamento do reparo de intervención e se aproban a certificación e factura do EDAR por unanimidade dos cinco membros asistentes.
• En agosto de 2010, a Garda Civil, en funcións de Policía Xudicial, cumpre cun oficio encargado polo xulgado de Instrucción e realiza a reportaxe fotográfica da parcela destinada á EDAR, concluíndo que non se observa ningún tipo de obras nin de movementos de terras, así como tampouco a existencia de ningún cartel.
• Solicitada a declaración en calidade de imputados dos membros da Xunta de Goberno Local.